♥♥♥♥♥♥ WoNdErLanD ♥♥♥♥♥♥

Зүүд

2017 оны 01-р сарын 28 Нийтэлсэн Edelweiss
Зүүдээ бичдэг юм уу. Урьд шөнө нэг ийм зүүд зүүдэллээ. Миний хайртай байсан хүн, одоо ч гэсэн хайртайлдаа, зүгээр хайрлахаа болих хэрэгтэй болсон хүн маань нэг жоохон охинтой аз жаргалтай байхаар болсныг харлаа... Тэгээд би нэг л итгэж өгдөггүй. Уг нь бид хоёр болиод хэдхэн хонож байхад ийм хурдан уу гэх юм бодоод аймар сэтгэлээр унаж этр. Тэгээд яг жинхэнэ юм шиг... Их хөөрхөн охин байсан бас сайн охин. Тэгээд шууд сэтгэлээр унангуутаа Хосоо гэдэг найзтайгаа уулзаад л за хоёулаа мокры гээд, нөгөөх ч за гээд ямар нэг зүйл болж байгаан. Яг тэрхэн хугацаанд бүх зүйл ор тас мартагдаж, тэр хүний талаар ямар нэг зүйл бодохгүйгээр зүгээр л байгаа орчноо мэдрээд тунчиг сайхан байснаа санаж байна зүүдэндээ. Гэхдээ л нэг зүйл дутуу. Зүүд угаасаа бодит амьдралын хэлтэрхий гэдгийг мэднэ. Гэхдээ заримдаа зүүдлэхэд бодит амьдралаас авч чадаагүй тийм мэдрэмжүүдийн авч болдгийг ойлгодоггүй. Тэгээд өнөөдөр өглөө нэг л хүнд сэрлээ. Санаа зовнингуй, ганцаардмал, онцгүй... Хэхэ одоо нэгэнт ийм зүйлс болж хувирсан учраас юундаа ч гуниглаж, гутарч, унжиж, шаналахав дээ. Ийм зүйлс эргэн тойронд болж л байдаг, хүмүүст тохиолдож л байдаг. Даваад гарах нь л чухал. Нэг өдөр л мартагдана. Тэр хүний миний сэтгэлд эзэлж байсан орон зай хэн нэгнээр хэзээ нэг өдөр дүүрэх учраас одоо ингэж утгарлах нь цаг үрсэн хэрэг мэт. Гэхдээ шаналал, ганцаардал хүнд их ухаарал хайрладаг. Ийм байгаа үе дээрээ өөрийгөө толгой уруугаа цохиод ч хамаагүй маш их зүйл хийлгэх нь чухал байна. Сайхан байнөөө. Бүх зүйл бүр илүү сайхан болно.

Дэлхий нээрээ ямар жижигхэн бэ

2017 оны 01-р сарын 28 Нийтэлсэн Edelweiss

За би ингэж бодлоолдоо. Би одоо ямар нээх урлагийн expert биш гэхдээ ер нь манай Монголын урлаг соёл яагаад тэр доор ингээд хөлбөрөөд, дэлхийн тавцанд гарч ирж чадахгүй тэр доороо бөмбөрөөд байгаан болоо гэж. Нэгдүгээрт үнэхээр урлагийг хөгжүүлэх чин сэтгэлтэй улсууд нь цөөдөөд байх шиг, хоёрдугаарт урлаг хийж байгаа ихэнхи улсууд нь урлаг гэсэн нэртэй хог үйлвэрлээд байх шиг. Гуравдугаарт манайд тэр бэлэн болсон урлагийг нь дэлхийн хэмжээнд бүр мэргэжлийн түвшинд шүүгээд тавьчих хүмүүс дутмаг байх шиг. За яахав шүүгээд тавьлаа ч гэсэн тэр шүүмжийг нь нээрээ тиймдээ гээд хүлээгээд авах түүнийгээ засах уран бүтээлчид ховор юм шиг. Дөрөвдүгээрт нийгэм болоод хүмүүс нь урлагийн талаар ойлголт муу, юуг сайн юуг муу гэдгийг ялгах салгах мэдрэмж байхгүй. Тавдугаарт зүгээр хэн дуртайн би урлаг хийжийн миний юмыг хүлээж ав гээд хачин хачин юм хийчээд тээр дээр тэнгэрт гарцан байх жишээний. Бид зүгээр дэлхийн хэмжээнд гарахад юу дутагдаад байгаа талаар бодоход, бидэнд дэлхийн хэмжээнд гарах тийм сэтгэхүй арай бүрэлдэн тогтоогүй юм шиг. За тэгвэл тийм сэтгэхүй үүсгэхийн тулд яахвээ? Монголд угаасаа орчин цагийн урлаг нэвтэрч орж ирээд за яахав 100 хүрэхүү үгүйтэй жил л болж байгаа гэдгийг мэдэж байгаа ч гэсэн. Бид уг нь хөгжөөд ядаж нэг хамтлаг ч юм уу, ямар нэг бүх дэлхийд танигдсан хүнтэй болвол болохоор цаг хугацаа өнгөрсөн гэж боддогшд.

Бид юуны түрүүнд дэлхийн хэмжээний урлагийн боловсролыг Монголдоо нэвтрүүлж оруулж ирж, арай өөр өнцгөөс, баригдмал биш өнцгөөс хардаг хэд хэдэн шүүмжлэгчид, багш, заах арга барилчдаар их дээд сургуулиудад багшлуулж, мөн залуучууд болоод нийгмийн бусад бүлгиинхэнд урлагийн талаар тодорхой хэмжээний ойлголт түгээн дэлгэрүүлэх хэрэгтэй юм шиг санагддаг. Тэгээд нээх болсон болоогүй кино, хөгжим, зургаар хүмүүсийн тархийг угаагаалл.... Ийм байдалд урлаг хэрхэн хөгжих вэ л гэж бодохын. За тэр ч яахав. Commercial юм хийж болноо тэгэхдээ үнэхээр гайгүй юм хийх хэрэгтэйшд. Шүүмжлэх амархан л даа. Хийх хэцүү би мэднэ. Тэгэхдээ тэгээд өдий 10, 20, 30, 40, 50 жил кино хийцэн хүмүүс одоо ийм байдалтай байна гэхээр хачин ч юм шиг. Заза бид чаднаа. Хэзээ нэгэн цагт  

Юу ч гэмээр юмбдээ

2017 оны 01-р сарын 26 Нийтэлсэн Edelweiss
Өнөөдөр яг л хавар шиг байна. Ямар нэг сайхан зөн мэдрэгдээд, ямар нэг сайхан зүйл болох гэж буй мэт санагдаад, сэтгэл догдлоод нэг л сонин байна. Бодлоолдоо, хүн бүр л энгийн амьдралыг туулж, эндээс хүртэх ёстой байсан зүйлсээ хүртээд эсвэл эдлэх ёстой зүйлсээ эдлээд өөр нэг тийшээ явдаг. Одоо надад дахиад амьдарч болох 45 эсвэл 50 эсвэл 60 нас байна. Гэхдээ амьдралаа, өөрийгөө, бусдыг, бас бус зүйлсийг хайрлаж амжаагүй байхад л энэ хорвоогоос нэг мөр одсон байх юм шиг санагдаж байна. Яг одоо байгаа зүйлсийг, амьдрах амьсгалах хэчнээн сайхныг ер нь муухай, сайхан юу л байна бүгдийг нь хамж хайрлаад, өөрийгөө, ялангуяа өөрийнхөө тархийг нисгэмээр байна. Биедээ шингэсэн буй мэтээр биш зүгээр хөнгөнөөс хөнгөнөөр тархи толгойгоо мэдэрнэ. Бид хаа нэгтээ орших, өөрсдийнхөө бүтээсэн хаа нэг газар зогсоод эсвэл алхаад эсвэл зүгээр л тамхилаад амар тайван, байгаа зүйлээсээ аз жаргалыг мэдрэх чадвартай улсууд. Хорвоо ертөнц дэлхий гараг хүн байгаль сэтгэхүй бидний муухайгаас сайхан бүхий л зүйл ямар гайхалтай вээээ. Үнэхээр гайхалтай. Гэрэлтүүлэг муутай, умгар жижигхэн өрөөнийхөө өнцөгт суугаад зүгээр ч нэг гайхширсандаа, бачимдсандаа энэ бүхнийг бичээгүй бас зүгээр л тамхи татах хүсэл байгаа болохоор ч бичээгүй зүгээр л хаанаас ч юм гайхамшгийн оч над дээр буугаад энэ бүхнийг ойлгуулж байгаа учраас л бичиж байна. Одоо гарч тамхилна... Буцаж орж ирээд ахин эргэцүүлнэ. 

.

2017 оны 01-р сарын 19 Нийтэлсэн Edelweiss
Намайг ойлгох хүн бий болов уу? Ганцаардлын харгуйгаас мэндчилж байна. Бардам, сэхүүн, юмсыг танин мэдсэн мэт чанараараа өөрийгөө хуурч бас халхалж, гунигтай сэтгэлээ инээдээрээ дарж ингэж л амьдарч буй мэт яг одоо санагдаж байна. Хэнд таалагдах гэж тэр вэ? Эндээс зугтаамаар байна. Энэ орчлон ертөнцөд огт хамааралгүй нэгэн болмоор байна. Намайг хайрладаггүй, миний ойр дотны хүмүүсгүйгээр би ер нь хэн юм бэ? Би хэн нэгэн гэхдээ бусдын танихгүй нэгэн. Өөрөө өөрийгөө л таних нэгэн. Би өөрийгөө хуурсаар залхлаа, өөрийнхөө хүслийг дарсаар залхлаа. Одоо цаг нь ирсэн мэт. Өөрийнхөөрөө байх цаг... Одоодоо л аз жаргалтай, сэтгэл хангалуун амьдрах нь зөв, дахиад надад энэ цаг мөч эргэж олдохгүй энийг мэддэг учраас би хичээж байна гэвч хичээнэ гэдэг нь өөрөө би хүсээгүй зүйлээ хийж байгаа мэт мэдрэмж заримдаа төрүүлдэг. Би чинь яачихсан, ямар гээчийн хүн юм бол оо. Өөрөө өөрөөсөө асууна... Намайг хайрладаг гэж бодсон, намайг хайрладаг, миний дотны нэгэн чамтай л зөвхөн хамт баймаар байна гэдэг бодлоо миний зүрхэнд шингээчихээд одоо түүнээсээ няцаж байгаа нь миний буруугийнх уу? Би өдөр бүр үл таних бурхнаас намайг яагаад ийм замаар явуулж байгаа юм бэ гэж асуудаг. Явах ёстой газраараа, замаараа явж байна л гэж хариулдаг. Гэхдээ яагаад би гэж? Яагаад надад ийм амьдралыг зураад өгчихсөн юм бэ? Эсвэл яагаад над шиг зураг төөрөгтэй хүнийг над уруу явуулдаггүй юм бэ? би асгарч байна аа бурхан минь. Элсээр дүүрэн мэт, элс асгарахдаа намайг өвтгөж байна... Би маш их өвдөж байна....

Цраран

2017 оны 01-р сарын 07 Нийтэлсэн Edelweiss
Ямар гээчийн гунигт тав дахь вээ. Миний дотор ямар нэгэн итгэл найдвар бас гуниг гутрал зэрэгцэн оршино. Ханаагүй ханаж цадаагүй сэтгэл минь чи надад ямар гээчийн баяр баясал, гуниг гутралыг хамтад нь өгнө вэ. Яг нэг дотогшоогоо өнгийгөөд харахаар ямар нэг уран бүтээлийн үр жимс боловсроод байгаа юм шиг тэр нь тэгээд хэзээ боловсорч дуусах нь үл мэдэгдэх, боловсорч дуусангуутаа л маш сайхан юм болоод миний дотроос гарах юм шиг санагдаад байх юм. Гэснээс өчигдөр бүр ямар аймар мэдрэмжгүй хүмүүсийн дунд ороод хий дэмий цагаа үрчихвээ. Уг нь том хотын гайгүй том баарны хөгжим этр аймар лаг байдын байх гэсэн чинь юу вээ үхссс нохойн баассс, тэгэхдээ бас миний ойлгохгүй хөгжим ч байж болнолдоо гэхдээ л хаха хорооллын баар юмуу хаашайн. Дух дух дахиад хэзээ ч энд баар орохооргүй болсон. Гоё эвэнт этр дээр л очуул эсвэл гоё хамтлаг дуучны тоглолт үзвэл л юу юм гэхээс. Ямар нэг гадны биет хэрэглэхээр тэгээд маргааш нь амьдрал шал утгагүй болчих юмаа. Үнэн дийп дийп юм бодоод, санаашраал, гуниглаал, дахиж уухгүй ээ... Ядаж байхад гэрийнхнийгэ, хайртай хүнээ санаад байхын. Ядаж энд ханьтай байсан бол хэчнээн сайхан. За гэхдээ бүх зүйл сайхан болнодоо. Амьдрал баялагшд. Хүссэн зүйлдээ хэзээ нэгэн өдөр хэн бүхэн хүрнэ гэдэгт итгэдэг. 

Урам

2017 оны 01-р сарын 06 Нийтэлсэн Edelweiss

Алс хол харь оронд этр тэгэж эхэлдэг бол тэ? Тэгэхдээ тэгэж эхлэхгүй ээ. За ямартай ч нэг өөрөө биеээ даагаад амьдрахгээд үзээд л байна. Сая фэйсбүүк ухаж байгаад гэнэт өнгөрснөө санан дурслаалдаа. Маш олон сайхан хүмүүстэй танилцаж, нэгэн цаг үед хамт амьдарч бас нөхөрлөж явсан юм байна... Зүгээр л урам зориг гэдэг бидний сэтгэлийн хувьд асар үнэтэй зүйл юмаа. Хэн нэгэнд сайныг ерөөх нь магадгүй дараа нь хэн нэгний хувьд чи сайнаар дурсагдахад хүргэдэг. Амьдарч байгаадаа маш их талархаж байна, намайг оршин байхад нөлөөлж буй бүх зүйлд. Сүүлийн үед гэхдээ нэг л зүүдэндээ амьдраад байгаа юм шиг санагддаг болчлоо. Ухаан эв эрүүл байгаа хэрнээ л юмс хийсвэр юм шиг. Цаг хугацаа ядаж байхад ямар хурдан өнгөрч байнаа. Цаг хугацааны талаар бодохоор салхи шиг санагдаад байдышд. Хөнгөхөөн илбээд л өнгөрдөг бага багаар юмсд нөлөөлдөг. За тэр ч яахав.  Тэгэхдээ нээрээ нас залуу дээрээ толгойгоо сайн ажиллуулж амьдарнааа. Тэгэхгүй бол нээрээ хүмүүсийн тархи. биеийн хурд гүйцэгдхээргүй болцон байна шүү. Мань мэт нь одоо яагаад байгаан тээр хол үлдээд хоцорцон байгаамуу хаашайн. За ямар ч байсан ирээдүйн амьдралаа үнэхээр сайхнаар бүтээхийн төлөө одоооноос бүгдээрээ хөдөлмөрлөж, хөдөлмөрлөхийнхөө хажуугаар боловсорцгооё л гэж хэлэе даа. Бид чинь амьд хүмүүс шүү дээ. Сайн зүйлсийн хүртэж, мэдрэх хэрэгтэй улс 

Нэг тийм сонин юм тохиолдоод...

2016 оны 11-р сарын 20 Нийтэлсэн Edelweiss

Би ер нь өөрийгөө хаана ч хөгжилтэй аваад явчих юм байнөө. Амьдрал нээрээ сонин юмаа. Бодит байдал хийсвэр ертөнцийн дунд өөрийгөө зүгээрй үлдээцэн юм шиг л санагдаж байна. Энд ямар ч хөгжил үгүй бас уналт ч үгүй. Харанхуй гэхдээ нэг тийм зөөлхөн гэрэлтэй. Бүх зүйл амар тайван. Амар амгалан. Бас ийм амар амгалан байгаа байдалд нь хөгжим нөлөөлдөг. Миний дуртай дуунуудад дурладаг хүнд би дурлана этр... 

Надад ямар ч хар толбо тогтоогүй гэдгийг л мэдэж байна. Гэхдээ цагаан биш сараал ч биш, саарлаас арай гэгээлэг :) 

Надад нэг ийм дурсамж бий

2016 оны 11-р сарын 12 Нийтэлсэн Edelweiss
Өөрийнхөө өнгөрсөн амьдралыг хааяа бодоход би их хувь тохиолтой хүн юм шиг санагддаг. Залуу насныхаа амтыг аль байдаг чадлаараа мэдэрсэн одоо ч гэсэн мэдэрч байгаа. Юмарваа нэг болохгүй зүйлсийг туршиж үзэх дуртай, болохгүй, буруу гэсэн зүйлсийг ганц удаа ч гэсэн оролдож үзэхийг хүсдэг. Яг тэндээсээ асар их сэтгэлийн таашаал эдэлдэг. Мэдээж буруу замаар будаа тээвэл буцахдаа шороо тээнэ, аливаа нэг буруу үйлдлээс, буруу алхмаас таашаал авч дуусаад дахиж тэрийгээ хийдэггүй ч гэх юм уу. Надад нэг ийм дурсамж байдын. Энэ дурсамжийн зураглал, өнгө нь их гоё. Яасанбэ гэхээр би нэг хэдэн нөхдүүдтэй нийлдэг байлаалдаа. Тун сайн улсууд. Мэдрэмжтэй, мэдлэгтэй, чадвартай бас их сэтгэлтэй. Тэгээд нэг өдөр бид дөрвүүл оюун санаагаа балайруулж аваад л нэг кино үзсийн. Улаанбаатар кино фестивал байлуудаа. Нэг тийм эх хүний үрээ гэх сэтгэлийн талаар харуулсан Иран эсвэл Иракийн кино байсан байх. Яг тухайн үед кино үзэж буй хүмүүсийн хандлагыг, орчныг, үзэж буй хүмүүсийг аймар мэдрэнгүүтээ нэг тийм хаанаас гарч ирсэн нь мэдэгдэхгүй аз жаргал мэдэрсэн гэх юм уу. Хараал идсэн мундаг мэдрэмж. Нэг хэсэг өдөр бүр л өөр өөр мэдрэмж амталдаг байлаа. Хүчтэй мэдрэмж төрнө гэдэг биднийг амьд буйг мэдрүүлэх хамгийн амттай зүйл мэт. Ер нь л мэт ч гээд байх юм байхгүй тийм л дээ. Ирээдүйд биднийг мэдэрч үзээгүй мэдрэмжүүд, мэдэхгүй мэдлэгүүд, танихгүй хүмүүс хүлээж байгаа. Өдөр бүрээ хайрлаж, өдөр бүрээ дурсамжаар дүүрэн өнгөрөөхийг, эргээд харахад яг одоо өнгөрсөн үрүүгээ харж байгаа шиг сэтгэл хангалуун байна гэдэгт итгэнэ. Өдөр ирэх бүр ертөнцийг огт өөр өнцгөөс харж, дэлхийг хайрлаж байгаагаа мэдэрч байна. Харин дэлхийг хордуулагч хүмүүсийг хараал идэг!

me me me me

2016 оны 11-р сарын 10 Нийтэлсэн Edelweiss

Хүмүүс угаасаа л бие биенээсээ хол байхаар тэгээд холдчихдог юм шиг байна дөө. Шал балайн уг нь өөртөө тохирсон сайн хүнтэйгээ учирлаа гэж бодсон юмсан. Одоо нэг л тийм хүйтэн хөндөө, худлаа болцон ч юм шиг санагдаад. Шал зайлцын. Урам ч хугарах шиг. Хувь тавилан л байхдаа. Ер нь эрэгтэй хүнийг хайрламааргүй, дахиж учирмааргүй санагдаж байна. Сданууд чинь дандаа гай авч ирнэ. Надад хэн ч юу ч хийгээгүйлдээ гэхдээ зүгээр тэгэж санагдаж байна. Ганцаараа хүн амьтантай юм хум ярихгүй болохоор дотор бөглөрөөд хэцүүмөө. 

Би нэг удаа ирээдүйгээ харж байсан гэвэл итгэх хүн манай найзаас өөр байхгүй л дээ. Яг тэр үед би сэрүүн байсан. Тэгээд толгой дотор гэнэт л лаг өндөр гадаадын барилга дээр аймар турж мурцан лаг гоё хүүхэн нэг хар хүрэмтэй залуутайл ажил хэрэг яриад л зүгээр аймар нэг тийм нууц л юм хийгээд байгаа юм шиг байгаан. Би тэгээд сүүлд нь бодсон л доо. Ирээдүйд одоо драг дилер этр болцон байгаамуу хаашайн гэж. За тэр ч яахав ямартай ч ам рилли диссапойнтэд...

Гарчиггүй

2016 оны 10-р сарын 28 Нийтэлсэн Edelweiss
Өнгөрсөн үеийнхээ үзүүр хэсгээр л амьсгалж амьдарч байнадаа. Одоохондоо энэ газраас шинэ мэдрэмж хүртэх боломж алга байгаа нь уйтгартай. Өнгөрснөө эргээд харахад өөр олон хүний амьдралаар амьдарсан мэт санагдах. Одоо байгаа нь л би. Өөр мөчид би байгаагүй мэт. Монголд өнгөрүүлсэн олон сайхан дурсамжтай үеүүдээ, дурсамжинд үлдэн хоцорсон хүмүүсийг санаж байна. Нэг тийм солиотой галзуу зүйл хийх хүсэл дотроос зулгаагаад алахнээ. Хүслээ хязгаарлаж амьдрана гэдэг нэг бодлын харуусмаар зүйлээ. Эргээд харахад харамсах зүйл. Тийм болохоор хүслийнхээ жолоог нь сул тавиад намайг хөтөлсөн газар уруу нь дагаад явмаар байна. Энд хийх ёстой зүйлүүдээ хурдхан хийж дуусгаад Монгол уруугаа буцах юмсан.

Уур

2016 оны 10-р сарын 19 Нийтэлсэн Edelweiss
Хүлцэнгүй, өгөөмөр, энэрэнгүй хайрт сайхан зөөлөн зан чанар минь юмтай хамт хийсэн одлоо. Догшин, ууртай, ширүүн, хатуу тийм хүн л энд байна. Хараал идсэн зарим зүйлсийг тоогоод тэгээд тэрэндээ чинь сэтгэлээсээ уурлаад байгаадаа уур хүрнэ. Би зүгээр тайван, энгийн, аз жаргалтай баймаар байна. Байх ч болно. Уур хүрээд хашгичихад өөдөөс энэрэнгүй хүлээж авч байгаа хүмүүст бүр уур хүрч байна. 

Hi everyone!

2016 оны 10-р сарын 14 Нийтэлсэн Edelweiss

Тэнэг хэрнээ сайхан охид зөндөө л харлаа, харьцлаа. Ер нь ухаан саруул, зөв сэтгэлтэй байна гэдэг эмэгтэй хүнд байх ёстой нэн тэргүүний чанар л даа. Тэгэхдээ одоо бол тэрнээсээ илүү гоёж гоодох, гаднахаа арчлах тал дээрээ илүү санаа тавьдаг болцгоожээ. Сайн л хэрэг. Гадаад үзэмж төгс байхын туйлын зорилго бол бусдыг шунан тачаадуулах л юмуудаа. Заза надаар хэлүүлэлтгүй угаасаа хүн болгон л мэдэхээс хойш. Тэнэг явсаныхаа зовлонг горгүй амсаж байгаа мулгуу улс энд тэндгүй л байна. Тэгэхдээ ер нь горыг нь мэдсэн ч тэнэг үйлдэл хийх сэтгэл баясгадаг шүү. 

Би ер нь их өөрийгөө дөвийлгөх дуртай, хатуу хүтүү, хувиа хичээсэн хүн л дээ. Тэрний хажуугаар сайн нь ч бий. Яагаад ч юм ер нь аар саарыг их л мэддэг болсон юм шиг санагдана. Танин мэдэх их зүйл байгаа ч сэтгэл доргитол мэдрүүлэх зүйл ховор үлдсэн юм шиг. Мөрөөдөмтгий. Мөрөөдлөөрөөл явж байна. Жоохон удаан ч гэсэн.

Сайхан зүйлсийг амталж, мэдэрч, мансуурч, өөрөө өөрийгөө өөрийнхөө дотроос олж, би л зөвхөн үнэн яригч мэт өөртөө гүн шумбаж үзлээ. Тэгэж амьдарлаа. Тэгээд одоо ирсэн байгаа намуухан, саруулхан газартаа дасахад жоохон бэрх... Дасмаарчгүй байна. Галзуу, эрэмгий, эр зоригтой гэхдээ бас баатарлаг, үнэнч шудрага, гэрэлтсэн гэгээ дүүрэн амьдрал уруу тэмүүлнэ. Тэрэндээ ч хүрнэ.

Азаар би бага нүглийг нүгэлд тооцдоггүй, их нүгэлд залбирал өчдөггүй шашингүй үзэлтэн юмдаа. Гэхдээ бурханд итгэдэг. Өөрийнхөө бурханыг хайрладаг.

Гэрийнхнийгээ, хүүгээ, хайртай хүнээ, Монголоо, найзуудаа санаж байнөө. Гоё юм мэдэрмээр байнаа. Гоё юм... 

Тэмдэглэл 1 эсвэл Бодрол 1

2016 оны 10-р сарын 09 Нийтэлсэн Edelweiss

Зайлуул ганцаардхаараа эсвэл ганцаардхаараа блогоо санаж этр. Ямартай ч хүний нутагт ирээд сар хагасын хугацаанд овоо хэдэн зүйл сурсан гэж хэлэхгүй ч цаг хугацаа өнгөрч байгаан байна оюун санаа бага багаар тэлж байх шиг. Өдөр өнгөрөхийн хэрээр өөрийгөө олох, хүслээ олж харах нь угаасаа хүмүүний гайхамшигт танин мэдэх чанар бизээ. Бага байхаасаа л өөр мэдрэмж, ер бусын амьдрал, гайхамшигт зүйлсийг хүсэн мөрөөддөг байлаа тэр мөрөөдөл одоо ч хэвэндээ. 

 Заза байж байгаад бичнээ

Өөр дотроосоо өөрийгөө өөрчлөх нь

2016 оны 05-р сарын 03 Нийтэлсэн Edelweiss

Нэг тийм бодлогоширсон төлөвтэй болчихлоо сүүлийн үед. Нас ахих тусам хариуцлага нэмэгдээд л. Одоо би жоохон хүүхэд биш. Яахав жоохон хүүхэд байсан бол бусад хүмүүс намайг ойлгох л байсан. Өдөр ирэх бүр хумигдаад л... хүмүүсийг шүүх гээд л... Уг нь боддог зүйлс зөв гэвч бодсоноо хэрэгжүүлдэггүй зан минь намайг алж байна. Хангалттай мөрөөдсөн гэвч одоо мөрөөдөх нас биш, мөрөөдлаа биелүүлэх цаг... Би чадна, би чадна, би чадна... 

Үзэл бодлоо илэрхийлэх яригч, яриа сонсогч алга. 

Хүн бүр л нүгэлтэй

2016 оны 04-р сарын 26 Нийтэлсэн Edelweiss

Хүн бүр нүгэлтэй. Хараал идсэн эготой. Энд маш их зүйл байна. Нүгэл л нүдээрээ гарч байна даа.  Ямар гунигтай өчигдөр вэ! Нурах шиг... Эрэгтэй эмэгтэй хүмүүсийн хоорондын харилцаа мэдээжээр төвөгтэй ч гэлээ асуудлыг шийдэж хамт байдаг. Хайртай бол хамт байдаг. Би гэхдээ муу хүн юм шиг байнөө. Сайн нэгэнтэй хамт байхыг хүсдэг муу хүн. Ирээдүйдээ итгэдэг... Гэхдээ одоо цаг яг л кино шиг байна. Өөрийнхөө зөв гэж бодсон зүйлийг хийсээр ирсэн. Хийсээр ч байх болно. Хүлцэнгүй, буруу зүйлийг аливаа нэг хүчин зүйлээс болоод хүлээн зөвшөөрдөг байдал, өөрийн үзэл бодлоо бусдад илэрхийлэлгүй дотроо нуун дарагдуулж амьдрах нь амьдрахгүй байгаагаас ялгаагүй гэж боддог.

Үхэн үхтлээл өөрөө өөртэйгөө танилцах байхдаа.