♥♥♥♥♥♥ WoNdErLanD ♥♥♥♥♥♥

Өөр дотроосоо өөрийгөө өөрчлөх нь

2016 оны 05-р сарын 03 Нийтэлсэн Edelweiss

Нэг тийм бодлогоширсон төлөвтэй болчихлоо сүүлийн үед. Нас ахих тусам хариуцлага нэмэгдээд л. Одоо би жоохон хүүхэд биш. Яахав жоохон хүүхэд байсан бол бусад хүмүүс намайг ойлгох л байсан. Өдөр ирэх бүр хумигдаад л... хүмүүсийг шүүх гээд л... Уг нь боддог зүйлс зөв гэвч бодсоноо хэрэгжүүлдэггүй зан минь намайг алж байна. Хангалттай мөрөөдсөн гэвч одоо мөрөөдөх нас биш, мөрөөдлаа биелүүлэх цаг... Би чадна, би чадна, би чадна... 

Үзэл бодлоо илэрхийлэх яригч, яриа сонсогч алга. 

Хүн бүр л нүгэлтэй

2016 оны 04-р сарын 26 Нийтэлсэн Edelweiss

Хүн бүр нүгэлтэй. Хараал идсэн эготой. Энд маш их зүйл байна. Нүгэл л нүдээрээ гарч байна даа.  Ямар гунигтай өчигдөр вэ! Нурах шиг... Эрэгтэй эмэгтэй хүмүүсийн хоорондын харилцаа мэдээжээр төвөгтэй ч гэлээ асуудлыг шийдэж хамт байдаг. Хайртай бол хамт байдаг. Би гэхдээ муу хүн юм шиг байнөө. Сайн нэгэнтэй хамт байхыг хүсдэг муу хүн. Ирээдүйдээ итгэдэг... Гэхдээ одоо цаг яг л кино шиг байна. Өөрийнхөө зөв гэж бодсон зүйлийг хийсээр ирсэн. Хийсээр ч байх болно. Хүлцэнгүй, буруу зүйлийг аливаа нэг хүчин зүйлээс болоод хүлээн зөвшөөрдөг байдал, өөрийн үзэл бодлоо бусдад илэрхийлэлгүй дотроо нуун дарагдуулж амьдрах нь амьдрахгүй байгаагаас ялгаагүй гэж боддог.

Үхэн үхтлээл өөрөө өөртэйгөө танилцах байхдаа. 

i am on the right way!

2016 оны 04-р сарын 23 Нийтэлсэн Edelweiss

Ганцаардал гэдэг нэг ёсондоо хэмлэлт ч юм шиг. Сэтгэл дотор байдаг ямар нэг үнэт зүйл арилан алга болоход хоосордог, ганцаарддаг. Удалгүй дасна... Дахиад л өөр нэг шинэ зүйлээр дүүрнэ. Одоо бодоход бүх цаг хугацаанд олон зүйлийг туулж өнгрүүлсэн. Хүн бүр л тэгдэг. Би ч гэсэн жамаараа явж байна. 

Яг одоо бол чамтайгаа хамт жаргалтай баймаар байна. Гэхдээ цаашдаа хамтдаа жаргалтай байхын тулд олон зүйлийг туулна, давж гарна. Над шиг өөрөөсөө өөр хүн боддогүй хүнд энэ бүхэн хэцүү даваа мэт санагдаж байна. Хайр үгүйгээр энэ амьдралын бүхий л цаг хугацаа ганцаардал болоод хоосон дунд өнгөрдөг юм шиг байна. Ямар их хайрыг, халамжийг чамаасаа мэдэрдэг байгаа вэ! Хэдэн жилийн дараа энэ бүхнийг арай өөрөөр харна даа. 

Хүнд ярьмаар санагдсан зүйлээ л энд бичих юм дөө. Хэн нэгэнд ярихаас илүүтэйгээр энд бичих нь хамаагүй илүү сэтгэл тайвшруулдаг. Одоо надад 3 жил үлдлээ. Төсөөлдөг байсан ирээдүйгээ бүтээхэд...  

Чиний тухай

2015 оны 09-р сарын 30 Нийтэлсэн Edelweiss
Чиний тухай бодох үед чи намайг бодож байна эсвэл би чамайг санаж байна гэж хэлдэг... Хайртай, маш их хайртай. Юуны ч хувиар юм бүү мэд. Гэхдээ л хайртай. Учирсан хүн бүрээ надад ярьдаг, ярихдаа догдолдог, чиний инээдийг санаж байна. Одоо  уулзах гээд гарч байгаа хэдий ч сайхан байна. Бичих сайхан байна. Ил бөгөөд, шулуухан зан чинь хэтэрхий хүнд ч гэлээ үргэлж нөхцөл байдлыг сайн тийш нь эргүүлдэг. Сайн сайхан амьдралын минь нэгээхэн хэсэг. Чиний тухай муу зүйл бодоё ч гэсэн сэтгэлд багтдаггүй. Сайхан сайхан зүйлсээр дүүрэн хүн шүү чи!

MOGWAI

2015 оны 05-р сарын 22 Нийтэлсэн Edelweiss

Яг одоо Mogwai come on die young album-ийг сонсож байна. Маш их санаашрал... Хэзээ ч юм бэ тэгээд бас хаана ч юм гээчихсэн дурсамжуудыг эргүүлж сануулах шиг тийм хөнгөхөн гэхдээ гүнзгий мэдрэмж. Би яагаад зүгээр л сэтгэл хангалуун амьдарч болдоггүй юм бэ? Хаа нэгтээ байх ямар нэгэн зүйлээс энэ амьд арлын түмэн тайлагдашгүй учир шалтгааныг асуумаар байвч чадахгүй. Чадахгүй ч юу байхавдээ чадахыг хүссэн ч болохгүй. 

Би ажилд бараг л орсон. Мэргэжлээрээ биш л дээ. Гэхдээ гайгүй цалинтай ажил. Ачаалал ихтэй. Гэхдээ цалин өндөртэй. Хараал идсэн мөнгө, хэрэглээ, хэрэгцээ... Хэн нэгний өөдөөс худлаа инээж, хуурамч зүйл ярьж, өөрт байхгүй аашаа гарган байж мөнгө олох... Мөнгөнөөс бол хүн өөрөө өөрийгөө эвддэг.

Бас хэн нэгнийг санаад байна. Хэн гэдгийг нь мэдэхгүй. Гэхдээ хэн нэгнийг. Нэг л хоосон оргиод байна. Зүрх өвдөөд,,, Өглөө хүйтэн хөнжил дотор ганцаараа сэрмээргүй санагдаад... Хэн нэгний халуун дулаан биеийг үгүйлээд... Гэхдээ хэн гэдгийг нь мэдэхгүй...

Одоо хүртэл өөрийгөө олоогүй явна уу? эсвэл хүсэхгүй байна уу?

Мэддэгүй зүйлс сонирхолтой байдаг. Мэддэг болоод эхэлвэл сонирхолгүй... 

Баярлалаа

2015 оны 05-р сарын 16 Нийтэлсэн Edelweiss

Сайн байцгаана уу? Хамгийн сайхан аз жаргалтай өдрийн мэнд! Яагаад өнөөдөр хамгийн сайхан аз жаргалтай өдөр вэ гэвэл миний бие бүх эд эсээрээ ямар нэгэн сайхан зүйлийг мэдэрч буй учир. Амьсгалж байгаа, амьдарч байгаа, биднийг тэтгэн тэжээж буй юм бүхэнд талархах нь зүйтэй. Ажиглаж, юм бүхнийг анзаарч чадвал энд бий амьтай, амьгүй бүхий л зүйлс дотроо ямар их утга агууламжтай гэдгийг анзаарч харах бизээ.  Үнэндээ юу намайг ингэтэл нь өөрчилснийг мэдэхгүй  ч яг одоо би энд байгаадаа, өнгөрснийг биш ирээдүйгээ биш зөвхөн одоодоо амьдарч байгаадаа туйлаас их баярлаж байна.

Намайг тэтгэж тэжээж байгаа бүхий л зүйлд баярлалаа 

Хммм

2015 оны 04-р сарын 26 Нийтэлсэн Edelweiss

Яг үнэнийг хэлэхэд та надад маш их таалагддаг. Зүгээр л сүүлийн үед мэдрээгүй онцгүй  бас давгүй зүйлийг таниас мэдэрлээ. Одоо ингээд дуусгая. Таниас маш ихийг хүсэж байгаа ч гэлээ тэр бүхнийг та надад өгч чадахгүйг мэдэж байгаа учраас зүгээр л алга больё. Багахан хугацаанд ч болов сайхан дурсамж хэн хэндээ үлдээлээ. гэж чатаар бичмээр байгаа боловч чаддагүй ээ. 

Балай юм ааа!!!!! 

Тэдэнд итгэдэг болсон

2015 оны 04-р сарын 22 Нийтэлсэн Edelweiss

Ямар их санаашрал, уй гуниг, ганцаардал вэ!!! Хаанаас ч юм ямар нэг муу муухайг ам уруу чихээд дотор минь хийчихсэн юм шиг л... 

Хаврын бүүдгэр тэнгэр оюун бодлыг минь хумиж аваад өлгийдөх шиг. Оюун санааны хувьд тийм хумигдмал, бачимдмаар зүйлийг мэдрээд байх юм. Үзэж, ойлгоод байгаа хэрнээ урагшлахгүй, ахихгүй нөгөө  л хэвэндээ. Мэдрэмжээр хооллогч ч юм шиг. Тэгээд сүүлдээ бүр шинэ зүйл мэдрэхгүй. Бил бүгд энэ завхарсан бохир нийгэмд маш их уусаж, бусдад таалагдахын тулд, бусдаар хүрээлүүлэхийн тулд юугаа ч хайрлахгүй өгөхөд бэлэн болцгоожээ. Яагаад бусдаас өөрийгөө хайх биш, өөрөөсөө өөрийгөө олж болохгүй гэж?

Чухамдаа хэн юм бэ? Яагаад зүгээр л хөнгөн сэтгээд бодоод амьдарч болохгүй. Эсвэл тэгэж болохгүй юм болов уу? Юуг ч бодохгүй байж байгаад л, юу ч мэдрэхгүй байж байгаад өөрийнхөө хариулж чадах асуултуудад өөрийгөө ороогоод тэгээд түүнийхээ учрыг олох гэж хичээхгүй байгаад байна. 

Амьдрал гайхалтайг мэднэ. Амьдарч байгаадаа жаргалтай байна. Гэхдээ нэг л хоосон санагдаад байх юм. Дүүргэх гэж үзээд ч яах билээ!!

Бас би тэдэнд итгэдэг болсон. 

Хаврын улирлыг үзэн ядагсдад

2015 оны 03-р сарын 12 Нийтэлсэн Edelweiss

Өөдрөг байх гэж их л хичээлээ. Хичээсний үр дүнд өөдрөг боллоо, их зүйл оллоо. Гэхдээ нэг л хоосон. Уг нь чадвал өөр бусадтай биш өөртэйгөө л ойлголцчихвол болчих гээд байгаан... Гэтэл надад хэн нэгэн балай нөхөр хэрэгтэй байна. Энд ирснээс хойшхи хоёр дахь удаагийн сонин уналт. Би би би л гээд яриад байдаг. Нэг тийм дурлал ирвэл гоё оо. Надтай хамт байхдаа хамгийн сайхан мэдрэмжийг авдаг, хаана ч явсан намайг л бодолдоо тээдэг. Тэгээд эцэст нь хэн хэн нь сайхан дурсамжтай үлдэх тийм дурлал. Хэн нэгнээс хамааралтай амьдралыг хүсдэг хэрнээ тэрнийгээ үгүйсгэдэг би мөн тэнэг хүн ээ!!! 

Энийг уншиж байгаа хэн бүхэнд хандаж хэлэхэд, чамд чи өөрөө ч ойлгож чадахгүй тийм нэг сэтгэл гутрал эсвэл хөдлөл, яаж шийдвэрлэхээ мэдэхгүй ямар нэг зүйл байвал энд хуваалцаарай! Би ч гэсэн та нарын сэтгэл хөдлөлийг сонсмоор байна!

Яг одоо

2015 оны 03-р сарын 08 Нийтэлсэн Edelweiss

Блог, блог, блог. Бичнэ гэдэг бол миний хувьд сэтгэл санаагаа тайван болгох нэг хэлбэр. Яг одоо кофе уунгаа, хэн нэгний тавьсан гайхалтай хөгжмүүдийг сонсож, диплом бичиж, тэгэнгээ бас цонхоор харж бусдын баяртай царайнуудыг харангаа цээжин дээрээ гараа тавиад уртаар санаа алдаж байна. Бас тамхи...

Хэнийг ч хайрлахгүй, санахгүй, бодохгүй тэгсэн хэрнээ хэн нэгнээр эсвэл хэн нэгний халамжаар дутагдаж амьдрах... Аль эсвэл хавар сэтгэл санаанд нөлөөлөөд байна ууу? Бүүү мэд! Хурдан зун болоосой.

Ер нь хэнд хамаатай юм бэ

2014 оны 11-р сарын 07 Нийтэлсэн Edelweiss

Сүүлийн жилүүдэд хэрхэн өөрчлөгдсөнөө бодохоор ой гутмаар. Өөрийнхөө мөн чанарыг бусдад алдаж хаа хамаагүй хүмүүс шиг болчихсон тэнэгүүдийн дунд тэнэг зүйлс чалчиж цагаа үрдэг тэнэг хүн болчихсон би. Хаа нэгтээгээс, хэн нэгнээс сэтгэл горьдож, тэр хоосон орон зайг зүгээр л хоосон чигт нь орхичихгүй ямар нэг зүйлээр дүүргэх гэж адгасан миний хүсэл...

Цаашдаа юу болох нь одоохондоо хамаагүй номоо дэлгээд, тамхиа татаад маш тайван газар өөртэйгөө хамт хэсэгхэн хугацаанд амьдармаар байна. Бусад бүх зүйл цаашаа. Хэн нэгэнд сэтгэл татагдмааргүй. Өөрөө өөрөөрөө л баймаар байна.

Яагаад заавал secret eye, edelweiss гэж?

2014 оны 04-р сарын 06 Нийтэлсэн Edelweiss

Өчигдрөөс хойш нэг тийм жаргал зовлон хоёрын огтлолцол дээр байгаа юм шиг утгагүй мэдрэмж төрсөөр...

Хүн ер нь хүсэж байсан амьдралаараа эсвэл боддог байсан амьдралаараа амьдардаг гэж би хувьдаа боддог. Тэгэхээр ирээдүйгээ ямраар ч бай хамаагүй урьдаас зөгнөж ярих нь хувь заяанд өөрчлөлт оруулдаг юм шиг санагддаг.

Хамгийн сүүлд зүүдэндээ маш таатай мэдрэмж амссан. Миний танихгүй тэгсэн хэрнээ яг чам шиг тийм дотно хэн нэгэн энгэртээ наагаад эрхлүүлж байнаа гэж зүүдэлсэн. Магадгүй энэ амьд арлаас хүсдэг зүйлсээ зүүдэндээ олно гэдэг бас л нэг сайхан зүйлсийн нэг.

Гэнэт огцомдож хаа хамаагүй зүйл бичиж байгаа нь сэтгэл гутарсных уу? эсвэл блог хөтлөөгүй удсаных уу? бүү мэд. Ямартай ч энд би байсан гэдгийг хараад, өмнөх зүйлсээ уншаад хязгааргүй сэтгэл хөдөлсөн учраас юу ч хамаагүй бичмээр санагдлаа.



Охидууд

2013 оны 11-р сарын 05 Нийтэлсэн Edelweiss

Өглөө сэрээд зүгээр л тархи тэр чигтээ хоосон байгааг мэдрэх ёстой хөгийн хэрнээ сайхан мэдрэмж. 

Сургууль дээр ирээд багшийн тавьсан нэг тийм юу ч бодогдолдуулдаггүй дуунуудыг сонсонгоо энэ бичлэгийг бичиж сууна.

Энд үнэн зүйл гэж байдаггүй бололтой. Үнэн зүйл худал болдог, худал зүйл үнэн болдог. Тэгээдл тэр. Бодоод, сэтгээд, бичье! Гэвч энэ бүхэн бишээ. Өөртөө ухаарал хайралмаар. Гэтэл ухаантай үг хэлдэг байсан дотор минь алга. Намайг орхиод хаашаа ч явсын бүү мэд. Ер нь би энд хэнтэй ч байгаан,мэдэх зүйл алга. Гэхдээ мэдэхийн төлөө л хүн амьдардаг шүү дээ.

Мэднэ дээ. Өөрийгөө олоод сайхан жаргалтай амьдрана...

Өөр төрлийн хоосон

2013 оны 10-р сарын 10 Нийтэлсэн Edelweiss

Юу бичихээ мэддэгүй. Тэгсэн хэрнээ бичмээр санагдаад байдаг. 

Хэн нэгэнд хайртай байсан. Одоо бол тийм ч их хайргүй. Өдөр ирэх бүр хоосроод л... Эсвэл тэрний орон зай багасаад л... Тэр ч хэрэггүй, өөр бусад ч хэрэггүй. Ямар нэг зүйлээс айдаг болчихож.

Урьд нь сэтгэл хөдөлгөдөг байсан зүйлс цаг хугацааны аясаар миний хувьд юу ч биш болж хувиржээ. Энэ хэдхэн жилийн хугацаанд өөрийгөө хаа нэгтээ гээчихсэн юм шиг санагдах. Би би биш. Нүд нүд биш. Харц хүртэл огт танихгүй нэгнийх. Хуучин байсан өөрийгөө олж авах уу? Эсвэл шинэ би-г хайж олох уу?

Өмнө нь байсан нь, ирээдүйд байх нь илүү дээр байна. Харин одоо байгаа нь лав биш... 

Чиний өгсөн цэцэг хатаад удаж

2013 оны 09-р сарын 10 Нийтэлсэн Edelweiss

Хэд дэхь намар ч юм бэ дээ. Намрын улирал тийм ойр санагддагүй ч гэлээ энэ жил улирлаа дагаад сэтгэл гундуу, шаргал, хатсан, хорчгор байх шиг... Нэгэнт ийм хэцүү үе хаяанд ирчихээд, хаалга балбаж байгаа ч гэсэн амьдралд гэрэл гэгээ, гарах гарц бий гэдгийг ойр дотны хүмүүс харамгүй хэлж байгаа нь сайхан. Гэхдээ хэллээ гээд яахав. Өнгөрсөнд болсон бүх зүйлсийг арилгаж, тэр бүх дурсамжийг устгаж чадахгүйгээс хойш мартагдтал хүлээх л үлдээд байна. Гэхдээ хүсэвч хясна гэгчээр ийм үед сэтгэлд миний нөгөө хүнээс өөр хань болчихоор зүйл алга. Тэгээд урьд нь тэгэж их ярилцдаг, тэгэж их хайралдаг байсан хүнээ дуудах гэхлээр хаанаас дуудахаа мэддэгүй. Хаана байгааг нь ч мэдэх юм алга. Магадгүй тэр хүнийг хаа нэгтээгээс сураглаж олоод хажуудаа үүрд байлгах нь л миний аз жаргал мэт. Яахав унах үе тохиолдоно. Гэхдээ урьд нь хэлж байсан шигээ уначихаад суугаад байлгүй босоод, эргэж харахгүйгээр ирээдүй үрүүгээ алхана гэдэг нь л болж байх шиг байна. Удаан шаналаагүй, гомдоогүй... Сайхан мэдрэмж ч юм шиг. Эхлээд доторх бодлоо ариусгаад, дотоод хүнээ цэнэглэчихвэл тэгээд л болоод явчихна тэр. Гэхдээ сайхан байна. Шаналаад л сайхан байна.